बृहन्मुंबई महानगरपालिकेच्या प्रशिक्षित शिक्षिका दिपाली शिरसाट “नारीरत्न गौरव पुरस्काराने” सम्मानित
दिशा महाराष्ट्राची / मुंबई –
जिच्या हाती पाळण्याची दोरी ती जगाला उद्धारी ||
ह्या म्हणीची प्रचिती येणारा सोहळा नुकताच नवी मुंबई, वाशी येथे पार पडला. लामन इंडस्ट्रिअल पार्क प्रस्तुत लेक माहेरचा कट्टा आयोजित नारीरत्न गौरव पुरस्कार 2023- 24 या पुरस्काराने श्रीम. दिपाली राहुल शिरसाट (बृहन्मुंबई महानगरपालिका प्रशिक्षित शिक्षिका) यांना त्यांच्या शैक्षणिक कार्यासाठी दिनांक 6 जानेवारी रोजी विष्णुदास भावे नाट्यगृह येथे मराठी चित्रपट “थर” चे निर्माते श्री. विशाल चौहान आणि लेक माहेरचा कट्टा या समूहाच्या अडमिन कविता कोंडभर यांच्या हस्ते प्रदान करण्यात आला.
या प्रसंगी हिंदी चित्रपट “दशमी” चे डायरेक्टर शंतनू तांबे, अभिनेते वर्धान पुरी तसेच गौरव सारीन आवर्जून उपस्थित होते. श्रीम. स्वाती थोरात (राज्यकर उपयुक्त GST विभाग, मुंबई ), डॉ. विशाल माने (सह पोलीस निरीक्षक, विशेष शाखा नवी मुंबई), श्रीम. शारदा पोवार (उपजिल्हाधिकारी, मालमत्ता अधिकारी), श्रीम. ममता डिसुझा (ACP), डॉ. संजय गोयल, फाउंडर ऑफ आर्यवर हेरिटेज फाउंडेशन, श्री. विलास बडे (जेष्ठ पत्रकार – IBN लोकमत), श्रीम. संगीता तरडे संचालिका आपला आवाज, आपली सखी ई. मान्यवरांच्या प्रमुख उपस्थितीत पुरस्कार सोहळा संपन्न झाला.
