उज्वल व्यसनमुक्ती केंद्र साकोली अंतर्गत व्यसनमुक्ती जनजागृती शिबिर संपन्न

दिशा महाराष्ट्राची/ भंडारा-

शिलवंत बहुुद्देशिय विकास संस्था, भंडारा द्वारा संचालित उज्वल व्यसनमुक्ती उपचार व पुनर्वसन केंद्र साकोली अंतर्गत कुंभली येथे मकरसंक्रांती दुर्गाबाई डोह यात्रे निम्मित दिनांक 14 जानेवारी 2025 ते 17 जानेवारी 2025 ला चार दिवसिय व्यसनमुक्ती जनजागृती शिबिराचे आयोजन करून व्यसनमुक्त समाज निर्मिती कशी होईल या बाबत जनजागृती करण्यात आली.

सदर कार्यक्रमासाठी मुखतः व्यसनमुक्ती केन्द्राचे संपूर्ण कर्मचाऱ्यांचे विशेष सहकार्य लाभले, लांबून लांबून येणाऱ्या सर्व भक्त भाविकांना, व्यसनमुक्ती बद्दल माहिती देऊन त्यांना माहिती पत्रक देण्यात आले.

या जनजागृत्ती शिबिरात जेष्ठ पत्रकार मा. डी. जी. रंगारी सर यांनी उपस्थिती दर्शविली, तब्बल चार दिवस आवर्जून उपस्थिती असलेले संस्थेचे अध्यक्ष मा. गंगाधर धुवाधपारे, संस्थेचे उपाध्यक्ष मा. शिलवंत घोडेस्वार, प्रकल्प संचालिका सौ. उषा घोडेस्वार, जयश्री चिमणकर (नर्स), हेमेंद्र धकाते (गार्ड), राजेंद्र चुटे (सोशल वर्कर), तृप्ती बोरकर (केअर टेकर) इत्यादी उपस्थित होते,तसेच प्रत्येक व्यक्तीपर्यंत माहितीपत्रक पोहचविण्याचे कार्य मोठ्या हिरिहिरीने केले.

सौ. उषा घोडेस्वार यांनी व्यसनमुक्ती बाबत प्रबोधन करून व्यसनामुळे कुटुंब व समाजात प्रतिष्ठा कशी नाश पावत आहे हे सांगितले. काही रुग्ण मित्रांनी आपले मनोगत व्यक्त करून आपण व्यसन करण्याचा पश्चाताप व्यक्त केला. स्वच्छ्ता, आरोग्य व व्यसनमुक्त जीवन असा संदेश उपस्थितांना देण्यात आला. सर्वांच्या सहकार्याने हा जनजागृत्ती कार्यक्रम अतिशय उत्कृष्ठ रित्या पार पाडण्यात आला.