कलगी तुरा परंपरेतील “श्री सुंकाई देवी नृत्य कलापथक- अडुर (मुंबई) शाखेचे ६ व्या वर्षात दमदार पदार्पण !
दिशा महाराष्ट्राची : उदय दणदणे
मुंबईतील विविध नाट्यगृहात कोकणची बहुप्रिय लोककला शक्ती-तुरा (जाखडी नृत्य) कार्यक्रमांचे फलक झळकू लागले असून, खऱ्या अर्थाने ह्या मोसमातील शक्ती-तुरा सामने सुरू झाले असल्याचे चित्र मुबंईतील नाट्यगृहात होत असलेल्या रसिकांच्या गर्दीने दिसून येते.
ही लोककला जोपासण्यासाठी अनेक शाहिर लोककलावंत, नृत्य कलाकार, वाद्य-संगीतकार, आयोजक, निर्माते अहोरात्र मेहनत घेत असतात, त्यातीलच एक कलगी तुरा परंपरेतील जाखडी नृत्यात अल्पवधी रसिकांच्या पसंतीस पात्र ठरलेली “श्री सुंकाई देवी नृत्य कलापथक-अडूर (मुंबई) शाखेला ०५ वर्षे पूर्ण होत असून ही शाखा ०६ व्या वर्षात दमदार पदार्पण करत आहे. प्रत्यर्थ “श्री सुंकाई देवी नृत्य कलापथक”-अडूर (मुंबई) वतीने कलापथक प्रमुख रोहित तुपट, प्रशांत मांडवकर, विकास तेलगडे आणि सहकारी वतीने शाखेस ५ वर्षे पूर्णत्वाचे औचित्य साधत रविवार दिनांक १६ जून २०२४ रोजी सकाळी १० वाजता, छत्रपती शिवाजी महाराज नाट्यगृह, दादर-मुंबई येथे शक्ती-तुरा कार्यक्रमाचे आयोजन करण्यात आले आहे,
शक्तीवाले शाहीर -राजेश निकम व तुरेवाले शाहीर -सुशांत गराटे ह्या दोन युवा शाहिरांची जुगलबंदी रसिकांना पाहायला मिळणार आहे.”श्री सुंकाई देवी नृत्य कलापथक”-अडूर (मुंबई) यांचा शक्ती-तुरा कार्यक्रमाचे हे पहिलेच आयोजन असून सदर कार्यक्रमाच्या शुभारंभ प्रयोगाला, कलाक्षेत्रातील, सामाजिक क्षेत्रातील विविध मान्यवर उपस्थित राहणार असल्याचे उपरोक्त कला पथकाचे प्रतिनिधी रोहित तुपट व सहकारी यांच्या वतीने सांगण्यात येते, तरी तमाम कोकण कलाप्रेमी रसिकांनी सदर शक्ती-तुरा (जाखडी नृत्य) कार्यक्रमाला बहुसंख्येने उपस्थितीत राहावे,अधिक माहितीसाठी प्रशांत मांडवकर-७०४५१६५३६४ रोहित तुपट-८७८८११३०६९, विकास तेलगडे-७०३९६२५२६३ यांच्याशी संपर्क साधावा असे आवाहन संयोजकांच्या वतीने करण्यात आले आहे.
