पिकाच्या नुकसानीची खासदार श्रीमती रक्षाताई खडसे यांचे कडून पाहणी- तत्काळ पंचनामे करण्याचे दिले निर्देश
(दिशा महाराष्ट्राची/ जळगाव/ अखलाख देशमुख)
दि. १८ रोजी रात्री आलेल्या अवकाळी पाऊस व जरदार वाऱ्यामुळे रावेर तालुक्यातील खिर्डी शिवार, धामोडी शिवार, भांबलवडी शिवार, वाघाडी शिवार, रेंभोटा शिवार, निंबोल शिवार ई. ठिकाणी पिकांची व राहत्या घरांची मोठ्या प्रमाणवर हानी होऊन, शेतकऱ्यांना व ग्रामस्थांना मोठे आर्थिक नुकसान झालेले असून, आज सदर नुकसानग्रस्त भागाची खासदार श्रीमती रक्षाताई खडसे यांनी स्थानिक भाजपा पदाधिकारी व महसूल व कृषी अधिकाऱ्यांसह पाहणी करून नुकसानी बाबत माहिती घेतली.
तसेच तत्काळ पंचनामे करणे बाबत खासदार श्रीमती रक्षाताई खडसे यांनी संबंधितांना निर्देश देऊन, नुकसानग्रस्त शेतकऱ्यांना व ग्रामस्थांना धिर दिला व लवकरात लवकर नुकसान भरपाई मिळवून देण्यासाठी आपल्या परीने पुरेपूर प्रयत्न करणार याबाबत आश्वासन दिले.
यावेळी खासदार श्रीमती रक्षाताई खडसे यांच्यासह भाजपा जिल्हा उपाध्यक्ष नंदकिशोर महाजन, भाजयुमो जिल्हाध्यक्ष श्रीकांत महाजन, तालुकाध्यक्ष राजन लासूरकर, सुनिल पाटील, तालुका सरचिटणीस महेश चौधरी, रामदास पाटील, भाजयुमो सरचिटणीस शुभम पाटील, रवींद्र पाटील,नितीन पाटील, सोनू पाटील, भूषण पाटील, जयचंद पाटील, लखन पाटील, दुर्गेश पाटील, गोरख पाटील, रामचंद्र पाटील, किरण नेमाडे, अतुल पाटील, खिर्डी मंडळ अधिकारी मीना तडवी, महसूल नायब तहसीलदार मयूर कळसे, तलाठी निलेश पाटील इ. उपस्थित होते.
